Euskal Herriko Telekomunkazio Kooperatiba

Bai Euskarari Elkarteak urtero ematen dituen sarietan izan gara gaur, “Txinparta bizia euskararentzat” lelopean Donostiako Victoria Eugenia antzokian.

Alor sozioekonomikoaren euskalduntzean eragitea da Bai Euskarari Elkartearen helburua, eta hala, esparru horretan euskara sustatzeko lan egin duten entitateak eta pertsonak aitortu eta eredu bihurtu nahi dira.

Hiru erakunde saritu dituzte aurten: Kide Aholkularitza, Ulma taldea eta Izarkom. Kooperatibako kide ororentzat ohore handia izan da: indartu egiten du egunerokoan aurkitzen ditugun oztopoen gainetik EUSKARAZ lan eta bizitzeko dugun grina.

Iker Garaialdek jaso du saria eta aipatu du Izarkomen “modu naturalean” sortu zela euskara hutsean aritzeko erabakia. “Izarkomen 6 urteko ibilbidean 3.500 bazkidek zerbitzuak ia euskara hutsean jasotzeko proiektuan sinetsi dugu hasieratik” eta aurrera begira ere proiektua euskaraz garatu eta zabaltzeko nahia berretsi dugu. 

Eskerrik asko Bai Euskarari Elkartea euskararentzat, txinparta bizia izaten jarraituko dugu.

Izan kide!

Proiektu partehartzaile gisa, izarkom zerbitzuen erabiltzaileak kooperatibako bazkideak gara

Bazkide egiteko 50 €ko ekarpena egin behar zaio kooperatibaren kapital sozialari (ordainketa zatikatzeko aukera dago).

Albiste gehiago irakurri

Roaming tarifa berriak

Roaming tarifa berriak

Udako oporrak gainean ditugula eta, baliteke gutako bat baino gehiago bidaiatxo bat planifikatzen aritzea. Espainiar Estatutik kanpo joan nahi badugu, artikulu hau interesgarri aurkituko dugu! Duela gutxi aldaketa batzuk egin dira ibiltaritzako konexioaren prezioetan...

Jarduera anitzeko espazioa erabilgarri Bilboko Nodoan

Jarduera anitzeko espazioa erabilgarri Bilboko Nodoan

Jakingo duzuenez iazko azarotik Bilboko nodoa martxan dago. Denda edo arreta guneaz gain, langileontzako bulegoa eta jarduera anitzeko gunea ere sortu dugu. Espazio hori Izarkomeko bazkideok zuena egin dezazuen gustatuko litzaiguke, burujabetza eta gizarte-ekonomia...

Ekainak 24 udako solstizioa

Ekainak 24 udako solstizioa

Izarkomen lan egutegi propio bat garatzearen aldeko apustua egiten dugu, gure baloreekin bat datorrena. Honenbestez ez dugu jaiegun arrotzik zein erlijioekin edo zapalkuntzekin zerikusia dutenik ospatzen. Aldiz, Euskal Herri ekologista, feminista, antiarrazista,...

Egin zaitez bazkide

Proiektu partehartzaile gisa, izarkom zerbitzuen erabiltzaileak kooperatibako bazkideak gara.

Bazkide egiteko 50 €ko ekarpena egin behar zaio kooperatibaren kapital sozialari (ordainketa zatikatzeko aukera dago).

Pin It on Pinterest

Partekatu hau!

Partekatu zure lagunekin