Euskal Herriko telekomunikazio operadore kooperatiboa

Herritik bertatik sortzen den euskal proiektu kooperatibo eta demokratiko bat da: telefono eta Interneterako zerbitzuetara sarbidea bermatuko digun telekomunikazio zerbitzu multzo batez hornitzeko helburuarekin sortutakoa, kalitatezko baldintza teknikoei egokitutako eta kostu onargarrietan oinarritutako tarifen bitartez. Izarkom, finean, Euskal Herriko telekomunikazio operadore kooperatiboa da, Euskal Herrian azpiegitura telematiko zein telekomunikazio zerbitzuen gaineko burujabetzarantz bidea egiten joateko.

Telekomunikazio azpiegiturak, partekatuak, irekiak, libreak eta neutralak

Telekomunikazio zerbitzu hauek Euskal Herriko txoko guztietara iritsi daitezen saiatzeko, dagoeneko zenbait herritan abian dauden telekomunikazio azpiegitura ireki, libre eta neutraletan oinarrituko da Izarkom. Horrez gain, gizarte eragile nahiz herritarrekin elkarlanean sare telematiko berriak ezartzen eta garatzen lagunduko du. izarkomek eraikitako edota sustatuko sare telematiko guztiak SIAN lizentzia prokomunari lotuta egongo dira, ezinbestean. Horrela, azpiegituren bikoizketak ekiditen ahaleginduko da eta, ahal den neurrian, gizarte nahiz ingurumen eraginak txikiagotzeko baliabideen erabilera partekatua bultzatuko du.

Gizarte ekimenerako Kooperatiba, gaur egungo eredu ekonomikoa eraldatuz

Gaur egungo eredu ekonomiko kapitalista gainditzeko, jabetuta gaude ekonomia sozial eraldatzailean oinarritutako alternatiba errealak plazaratzeko beharraz. Horregatik, Izarkom, gizarte ekimenerako eta irabazi asmorik gabeko kooperatiba elkarte moduan eratu dugu. Alde batetik, kooperatiba gisa antolatu gara, ekimen honetan parte hartu nahi duten kide nahiz erakunde guztien artean modu demokratikoan kudeatutako proiektu parte-hartzailea izatea nahi dugulako. Bestetik, irabazi ekonomikoak lehenesten dituen enpresa ereduak atzean utzi eta ondare komuna eta jendartearen ongizatea helburu izango dituzten beste antolakuntza ereduak bultzatzea helburu dugulako gizarte ekimenerako eta irabazi asmorik gabeko erakunde gisa, herritarron elkarlaguntzan oinarrituta eta auto-eraketaren bitartez.

Nor da Izarkom?

Bazkideen batzarra

Izarkomen zerbitzuen erabiltzaile guztiak kooperatibako bazkideak gara. Horrek esan nahi du erabiltzaileak garela kooperatibaren benetako kontrola dugunak, bazkideen batzarraren bidez. Batzarra urtero biltzen da, eta erabakiak hartzeko eta kooperatiba ordezkatzeko organo gorena da: pertsona bat, boto bat.

Lantaldea

Izarkomenen lanean aritzen garen kideen kopurua haziz doa urtez urte.

Errektore Kontseilua

Kide anitzeko organoa da Errektore Kontseilua, eta hari bakarrik dagokio kooperatibaren
kudeaketa eta ordezkaritza; Legeak edo Estatutu Sozial hauek espresuki beste organo batzuei esleitu ez dizkien ahalmenak dagozkio Kontseilu Errektoreari.
Nolanahi ere, kooperatibaren jarduerarako ildo nagusiak ezartzeko eta indarrean dagoen araudiak eta Estatutu Sozialek egozten dizkioten gainerako ekintzak egiteko eskumena du.

Zaintza Batzordea

Zaintza Batzordea 3 kide titularrek eta ordezko batek osatzen dute.

Honako ahalmen hauek ditu, besteak beste:
a) Urteko kontuak berrikustea.
b) Kooperatibaren liburuak berrikustea.
c) Batzar Nagusia deitzea Kontseilu Errektoreak dimisio globala aurkeztuko balu.

…