Joan den astean sinatutako lankidetza kordioaren arabera, Izarkomek Ados Pilotak antolatutako partida eta jaialdiak zuzenean ikusi ahal izateko azpiegitura bermatuko du hemendik aurrera.

Ados Pilota Elkartea, emakume pilotarien lehen elkarte profesionala da eta kluba bi adarretan egituratzen da:

1. Formazioa: pilotan hasi nahi duten neskato eta emakume guztiek izango dute tokia. Beren maila eta adinaren araberako prestakuntza eta lehiaketa eskainiz. Gaur egun 30 neska txiki dituzte.

2. Profesionalizazioa: prestakuntza, teknifikazioa, lehiaketa eta kontratuak dituzten pilotari profesionalen plantilla, 13 pilotariz osatua.

2023/2024 denboraldiko lehen neurketa Latasan egin dute larunbat honetan 4G bidezko konexioekin.

Orotara, 58 jardunaldi izango dira eta guztiak Ados Pilotaren youtubeko kanalean zuzenean ikusi ahal izango dira. Baita partiduen grabaketak jokatu ostean ere.

Finalerdiak apirilaren zazpian eta hamairuan jokatuko dira Iruñean eta Biarritzen, eta final handia apirilaren 21ean izango da Antzuolan.

Izarkomeko Bazkideentzako sarrerak

Lankidetza itun honek Izarkomen bazkideak ere kontuan hartu dituelarik partida bakoitzeko 5 sarrera eskuratu ahal izango dituzue.

Sarrerak lortzeko bidali mezua arreta@izarkom.eus-era sarrera kopurua eta partida eguna eta lekua zehaztuz.

Egutegia eta partidak:

Hemen duzue partida egutegia eta pasatako partida bakoitzaren gainean klik eginda, zuzeneko emisioa ikusteko aukera: