Herrigintza egunak
Izarkomen lan egutegi propio bat garatzearen aldeko apustua egiten dugu, gure baloreekin bat datorrena. Honenbestez ez dugu jaiegun arrotzik zein erlijioekin edo zapalkuntzekin zerikusia dutenik ospatzen. Aldiz, Euskal Herri ekologista, feminista, antiarrazista, euskaldun eta herritar baten aldeko egunak ospatu edo nabarmendu nahi ditugu.
Jai egun hauek Euskal Herria ezagutzeko egunak izendatu ditugu Izarkomen. Asteburu luze hau eskaintzen diogu geure buruari, motxilan ikasteko gogoa sartu eta Eskiulatik Berangora eta Ablitasetik Gixunera ibiltzeko.