Batzarrerako oharrak

Ekainak 1ean, Bilbon ospatuko dugun Izarkomeko Batzar Orokorrean parte hartzeko izena eman duzulako jaso duzu azalpen sorta hau. Beste nonbaitetik heldu bazaizu eta Batzar Orokorrean parte hartu nahiko bazenu, bete inprimakia maiatzaren 30eko 20.00ak baino lehen.

BATZARREAN PRESENTZIALKI PARTE HERATZEKO OHARRAK

Ekainaren 1ean, 9:30etan lehen deialdian, 9:40tan bigarrenean eta 9:50tan hirugarrenean Izarkomen Batzar Orokorra egingo dugu Bilboko Nodoan.

Bilboko Nodoaren helbidea honako hau da: Goienkale, 14, Ibaiondo, 48005 Bilbo, Bizkaia

Izena emanda baduzu, bertan azaldu besterik ez duzu egin behar.

BOTO DELEGATUA

Modu presentzialean baldin bazatoz, beste bazkideak ordezkatzeko aukera izango duzu, horretarako ordezkaritza bakoitzeko inprimaki bat bidali beharko duzu. Kide bakoitzak, gehienez beste 2 kide ordezkatu ahal izango ditu.

Batzarra on-line jarraitzeko asmoa baduzu, ez duzu beste inor ordezkatzeko aukerarik izango.

BATZARRA TELEMATIKOKI JARRAITZEKO OHARRAK

• Batzarrean telematikoki parte hartzeko inprimakia bidalia baduzu, e-postaz jasoa izan beharko zenuke Batzargelarako lotura, bestela bete inprimakia maiatzaren 30eko 20.00ak baino lehen.
• Batzargelako sarrerako orrian egonik, zure izen eta abizenak idatzi eta “batu” botoiari eman (garrantzitsua da batzarrera joateko eskaera egin duen bazkidearen Izen-abizenak jartzea, bestela ez da Batzargelara sartzeko eskaera onartuko)
• Batzargelara sartzean parte-hartzaile guztien kamara eta mikrofonoak itzalita egongo dira automatikoki. Hitza eskatzen duen kideari emango zaio kamara eta mikroa erabiltzeko aukera, eta hitza dagokionean soilik.

Bozkatzeko:

• Izarkomen Demokratian bozketa-sistemaren bidez bozkatzeko aukera izateko, ezinbestekoa da maiatzaren 30eko 20.00ak bitartean izena emateko inprimakia betea izatea.
• Ondoren, batzarrean telematikoki parte hartzeko zure eskaera jaso eta onartu denaren e-posta mezu bat jasotzen duzunean, IZARKOM BOZKA PLATAFORMAra jo eta “Erregistratu edo nere pasahitza berreskuratu” botoian klik eginez bozka plataforman sartzeko erabiltzaile-izena eta pasahitza eskuratzeko argibideak adieraziko zaizkizu (kasu, zure parte-hartzeko eskaera onartu denaren e-posta mezua jaso arte ez dizu erregistratzeko aukerarik emango).
• Erabiltzaile-izen eta pasahitz horrekin IZARKOM BOZKA PLATAFORMAra sartzeko aukera izango duzu.

Bideokonferentziako Batzargelara sartzeko edo Bozkatzeko plataformarekin edozein arazo edo zalantza izanez gero, deituguzu  623 368 745 telefonora edo idatzi batzarra@izarkom.eus helbidera.

BOZKATZEKO EPEA, GAIEN AZALPENA BUKATZEN DEN MOMENTUTIK 14.00ak ARTE IZANGO DA.