BIOLUR

Biolur elkartea Gipuzkoan nekazaritza eta abeltzantza ekologikoa sendotzeko asmoz sortu genuen duela ia hiru hamarkada. Geroztik lan horretan dihardugu etenik gabe, baserriaren etorkizuna bermatu eta nekazaritza ereduda irauli asmoz. Gipuzkoako nekazari, abeltzain eta okin ekologikoen erreferente eta bilgune nagusia gara, eta egun 127 bazkide ekoizlek/baserritarrek eta 152 bazkide herritarrek osatzen dugu elkartea. 

Aurrera ere geure ingurunea, abereak eta pertsonak zainduz, eredu ekologikoa sendotzeko ilusioz eta gogoz jarraituko dugu lanean, Euskal Herriaren elikadura burujabetzaren bidean hainbat bidelagunekin batera.