Izarkom eskola
Martxan da Hamaika TBrekin lankidetzan, telekomunikazio burujabetzarako formakuntza eta komunikazio tresna berria. Teknologia ezberdinek izan dezaketen eragina aztertu eta hizkuntza teknikotik kaleko lengoiara jeistea du helburu.
Puntako adituak eta formatu berezi eta freskoan: TB podcast-solasaldiak publiko presentzialarekin. Irailetik ekainera doako 10 saio hibrido Bilboko nodoan: Adimen artifiziala, zibersegurtasuna, fake news, pantailen inpaktua, pribatutasuna, nortasun digitala, fedibertsoa, software librea, kriptomoda, etab.
Izarkom eskola
Martxan da Hamaika TBrekin lankidetzan, telekomunikazio burujabetzarako formakuntza eta komunikazio tresna berria. Teknologia ezberdinek izan dezaketen eragina aztertu eta hizkuntza teknikotik kaleko lengoiara jeistea du helburu.
Puntako adituak eta formatu berezi eta freskoan: TB podcast-solasaldiak publiko presentzialarekin. Irailetik ekainera doako 10 saio hibrido Bilboko nodoan: Adimen artifiziala, zibersegurtasuna, fake news, pantailen inpaktua, pribatutasuna, nortasun digitala, fedibertsoa, software librea, kriptomoda, etab.
Aurkezpena
Zer da telekomunikazioa? Zertarako burujabetza? Nola lortu dezakegu?
Etengabeko abiaduran dabilen mundu honetan zail egiten zaigu halako galderei buruz hausnartzeko astia hartzea. Aldiz, gure egunerokotasunean gehienok dugu harreman oso estua komunikaziorako erabiltzen ditugun gailuekin, sistemekin, plataformekin… Edozein dela ere egiten dugun erabilera oharkabez ondorioak ditu gure bizitzan, ekonomian, gizartean eta ingurugiroan.
Izarkomen jakitun gara gure jarduna ere ez dela neutrala, beraz, dagokigun ardura hartu eta gure bazkide, kolaboratzaile zein herritarrentzat informazio zein sentzibilizaziorako tresna bat sortzea erabaki genuen 2024. urtean. Hainbat helbururekin jaio ze Izarkom eskola:
- Telekomunikazioa eta teknologia ezberdinek izan dezaketen eragina aztertu eta lengoia teknikotik kaleko hizkuntzara jeistea.
- Kontsumo arduratsua, eraldaketa soziala eta burujabetzaren inguruan eztabaida piztu eta teknokultura zabaltzea.
- Izarkom eta bere ekosisteman dauden pertsona zein eragile ezberdinak ezagutzera ematea.
Hainbat aditu eta eragileekin elkarlanean sortutako formakuntzarako eta esku hartze sozialerako baliabide honi jarraipena emateko asmoz 25/26 ikasturterako eskolari bultzada eta formatu berria eman diogu. HamaikaTBrekin lankidetzan podcast saio bat sortzea erabaki dugu, baina publiko presentziala izango duena.
Irailetik Ekainera bitartean doako 10 saio hibrido egingo ditugu Bilboko nodoan. Hilabeteko azken asteazkenetan ospatu eta aste baten buruan emitituko dira telebistan. Saio guztiak euskaraz izango dira. Hauek izango dira jorratuko ditugun gaiak:
- Adimen artifizialaren argi ilunak.
- Fake news aroa?!
- Nortasun digitala eta zibersegurtasuna.
- Telekomunikazio burujabetza, zer arraio?
- Pantailen inpaktua haur eta gazteengan.
- Nola babestu gure bizitza digitala?
- Software askea herri libre batean.
- Sare sozial digitalak eta euskal fedibertsoa.
- Faxismoaren gorakada eta borroka digitala.
- Kriptomoda eta diru digitala.
