Euskal Herriko Telekomunkazio Kooperatiba

Zer da telekomunikazioa? Zertarako burujabetza? Nola lortu dezakegu?

Etengabeko abiaduran dabilen mundu honetan zail egiten zaigu halako galderei buruz hausnartzeko astia hartzea. Aldiz, gure egunerokotasunean gehienok dugu harreman oso estua komunikaziorako erabiltzen ditugun gailuekin, sistemekin, plataformekin. Era berean, beste esparru askotan bezala, gurea ere ez da sektore neutral bat, hau da, edozein dela ere egiten dugun erabilera oharkabez ondorioak ditu gure ekonomian, gizartean, ingurugiroan…

Izarkomen ere jakitun gara gure jardunak sortzen dituen eragin positibo eta ez hain positiboez. Hau horrela, dagokigun ardura hartu eta gure bazkide zein herritarrentzat informazio, formazio zein sentzibilizaziorako tresna bat sortzea erabaki dugu. Asko dira gure bazkideek plazaratzen dizkiguten galderak, kezkak, ezinegon zein ekarpenak, eta hauei erantzuten saiatuko gara Izarkom eskola martxan jarriaz, 2024. urte hasierarekin batera.

Urtean zehar eskola berriak modu kritiko eta alternatiboan hainbat gai jorratzea izango du helburu: Nerabeak eta mugikorren auzia, arrakala digitala, software librea, sare eta egitura komunitarioak, kooperatibismoa, etab. Hilabetean behin, azken ostegunak baliatuz, Bilboko Nodoan modu presentzialean, edo streaming bitartez online landu ahal izango ditugu tailer, hitzaldi, mahainguru eta formakuntza ezberdinak.

Lehen saioa urtarrilaren 25ean egingo dugu, Urtzi Ugaldek Nerabeek mugikorra izate bidean laguntzeko helduentzako gida aurkezteaz gain, Iñigo Martinez (Irakaslea) ,Lurdes Imaz (EHIGE) edo Unai Aberasturi (Datuak Babesteko Euskal Bulegoa)  bezalako gonbidatu bereziekin mugikorren auziaren inguruko hainbat gai jorratu ahal izango ditugu.

Solasaldi hau modu ireki eta doakoan izango da guztiontzat. Aurrerantzean egingo ditugun eskolak aldiz, bazkide eta egoera zaurgarrian dauden kolektiboentzat dohakoak izango dira baina gonbidatuen eta eskola beraren antolaketak izango dituen gastuei aurre egiteko 3€ko kostu sinbolikoa izango du norbanakoentzat.

Eskola hauetan parte hartzera gonbidatu nahi zaituztegu elkarren artean Euskal Herriko Telekomunikazio Burujabetza eraiki dezagun!

Izan kide!

Proiektu partehartzaile gisa, izarkom zerbitzuen erabiltzaileak kooperatibako bazkideak gara

Bazkide egiteko 50 €ko ekarpena egin behar zaio kooperatibaren kapital sozialari (ordainketa zatikatzeko aukera dago).

Albiste gehiago irakurri

Binakako Txapelketa Nagusiko Finalerdiak ate joka

Binakako Txapelketa Nagusiko Finalerdiak ate joka

Dakizuenez, Ados Pilota, emakumezkoen pilota profesionala sustatzea helburu duen elkartea da, eta horrek, erdiz erdi bat egiten du Izarkomen izaerarekin.  Hori dela eta, lankidetzan jorratu dugu 2023/24 denboraldia eta antolatutako partida eta jaialdiak zuzenean...

Martxoak 18an Parisko komunaren urteurrena ospatuko dugu

Martxoak 18an Parisko komunaren urteurrena ospatuko dugu

Herri gobernantzak ospatu eta aldarrikatzeko egunean urgentziazko arreta eskariak artatuko ditugu soilik. Izarkomen lan egutegi propio bat garatzearen aldeko apustua egiten dugu, gure baloreekin bat datorrena. Honenbestez ez dugu jaiegun arrotzik zein erlijioekin edo...

Egin zaitez bazkide

Proiektu partehartzaile gisa, izarkom zerbitzuen erabiltzaileak kooperatibako bazkideak gara.

Bazkide egiteko 50 €ko ekarpena egin behar zaio kooperatibaren kapital sozialari (ordainketa zatikatzeko aukera dago).

Pin It on Pinterest

Partekatu hau!

Partekatu zure lagunekin