Euskal Herriko Telekomunkazio Kooperatiba

TESTUA ETA ARGAZKIAK: GARI GARAIALDE

Izarkom Telekomunikazio Kooperatibak 5 urte bete berri dituela aitzakia bezala hartuta, bertako hiru kiderekin eseri gara proiektuaren nondik-norakoak ezagutzeko. Mahaian eseri zaizkigu Iker Garaialde zuzendaria, Amaia Oca errektoretza kontseiluko lehendakaria eta Yaiza Arrizabalaga komunikazio arduraduna.

-5 urte bete dituzue jada, baina baliteke oraindik Izarkom ezagutzen ez duen jendea izatea gure irakurleen artean. Beraz, lehenengo galdera, zer da Izarkom?

Iker Garaialde: Izarkom telekomunikazio operadora bat da, gainontzeko operadora guztiek eskaintzen dituzten zerbitzu berak eskaintzen dituena, baina egia esateko, operadore bat dela esatea, besterik gabe, motz geratzea da. Izarkom, berez, herrigintzarako proiektu bat da, hau da, herri batek edo gizarte batek, bere telekomunikazio zerbitzuak nola jaso nahi dituen erabaki eta lantzeko proiektua da.

-Gainontzeko operadoreek eskaintzen dituzten zerbitzuak eskaintzen dituela esan duzue, baina zein zerbitzu dira horiek?

Amaia Oca: Internet konexioa modu ezberdinetan, zuntz bidez, irrati lotura bidez, edo 4G bidez, telefono mugikor lineak eta telefono finko zerbitzua. Bestalde, erakunde edo enpresentzako telekomunikazioen inguruko aholkularitza ere eskaintzen dugu.

-Noiz eta zergatik sortu zen Izarkom?

I.G. Izarkom 2017ko maiatzean erregistratu genuen kooperatiben erregistroan, baina sortze data 2017ko abenduaren 14a hartzen dugu, egun hartan egin genuelako proiektuaren aurkezpena Iruñean eta ordutik aurrera hasi ginelako hazten.

-Zergatik?

I.G. 2011. urtetik hona, Nazio Batuen erakundeak zenbait ebazpen eta txosten argitaratu ditu Internet Giza Eskubide gisa babestu beharraren inguruan eta gobernuei Interneterako konexioa herritar guztien eskura jarri zezatela eskatuz. Informaziorako, hezkuntzarako edo beste eskubide garrantzitsuetara heltzeko ezinbesteko tresna bihurtu da. Interneterako sarbidearen merkantilizazioaren ondorioz baina, erakunde publikoek, zailtasun eta oztopo handiak dituzte Internet sarbide duin bat hedatzeko. Honela, Interneterako sarbidea, hirietan eta maila ekonomiko ertain eta altuenetako gizarte taldeetan zabaldu da bereziki eta landa eremuetako edota dirusarrera gutxieneko biztanleek zailtasun handiak dituzte. Horregatik Euskal Herrian Interneterako konexioa izateko eskubide hori demokratikoki gauzatu ahal izateko herri proiektua da Izarkom. Telekomunikazio zerbitzu horiek enpresa pribatu eta transnazionalen bidez jaso beharrean, gizarte bezala antolatu eta behar ditugun zerbitzuak guk geuk eskuratzeko helburua duena.

Yaiza Arrizabalaga: Beste zenbait zerbitzu modu publikoan jasotzea normalizatuta dugu eta horiek pribatizatzea eskandalutzat joko genukeen, aldiz, gure gizartearentzako oinarrizkoak diren telekomunikazio zerbitzuak enpresa pribatuen bidez jasotzen ditugu eta barneratuta dugu joko-zelai hau. Gizartearen arrakala digitalaren gainean hausnartu, eragin eta zerbitzu hauek beste modu batean eskuratzeko proiektua da Izarkom.

IRAKURRI ELKARRIZKETA OSOA

 

Izan kide!

Proiektu partehartzaile gisa, izarkom zerbitzuen erabiltzaileak kooperatibako bazkideak gara

Bazkide egiteko 50 €ko ekarpena egin behar zaio kooperatibaren kapital sozialari (ordainketa zatikatzeko aukera dago).

Albiste gehiago irakurri

Izarkom 2024ko Euskal Encounterrean izango da (Inozentada)

Izarkom 2024ko Euskal Encounterrean izango da (Inozentada)

Dagoeneko ofiziala da. Ezin genion albisteari gehiago eutsi: 2024ko uztailaren 22tik 25era ospatuko den Euskal Encounter edizio berriaren babesle nagusia izango gara! Euskal Encounter, lehenago Euskal Party, Euskal Amiga Party edo Euskal, informatikako profesional eta...

Izarkomek Ados Pilota Elkartearekin babesletza kontratua sinatu du

Izarkomek Ados Pilota Elkartearekin babesletza kontratua sinatu du

Gaur arratsaldean sinatu dugu kontratua, Antzuolan egin den denboraldi berriaren aurkezpenean. Ados Pilota, emakumezkoen pilota sustatzea helburu duen elkartea da, eta horrek, erdiz erdi bat egiten du Izarkomen izaerarekin. Hori dela eta, elkarkidetzan jorratuko dugu...

Egin zaitez bazkide

Proiektu partehartzaile gisa, izarkom zerbitzuen erabiltzaileak kooperatibako bazkideak gara.

Bazkide egiteko 50 €ko ekarpena egin behar zaio kooperatibaren kapital sozialari (ordainketa zatikatzeko aukera dago).

Pin It on Pinterest

Partekatu hau!

Partekatu zure lagunekin